يا ترى انا بحس؟

استعرض الموضوع السابق استعرض الموضوع التالي اذهب الى الأسفل

يا ترى انا بحس؟

مُساهمة من طرف زاد الجنه في 9/9/2007, 4:38 pm

ممكن كل واحد يسأل نفسه السؤال ده
يا ترى انا بحس؟ طب بحس بايه ؟
اكيد حيقول منا بزعل وافرح واضحك وابكي واتألم
كويس اوي
ده دليل ان كل واحد فينا بيحس
نيجي للسؤال التاني
بتحس بمين؟
اكيد بحس بنفسي وده واضح من الكلام اللي فوق من السعاده والحزن والالم والاكتئاب
طب باقي الناس وضعها ايه من احساسك ده؟
بتحس بيهم؟
طب بلاش بتحس ناحيتهم بايه؟
ناخد السؤال الاولاني لأني اعتقد الكلام عليه مش حيكون ياما
مين فينا بيحس بالناس بجد اعتقد ان احنا فى الحكايه دي 3 انواع
الاول
ده واحد بيحس بالناس انسان من الاخر لما يشوف اي موقف سعيد او حزين للي قدامه يتأثر بيه و يعيش حزنه او فرحه مع الشخص ده وده من وجهة نظري بزياده اوي ومش ينفع فى الزمن الجمييل اللي احنا فيه
الثاني
ده بقى واحد طريقته فى الاحساس ممكن تكون انانيه جدا من وجة نظركم بس اعذروني انا شايفها انسب طريقه بدل ما ميحسش خالص وده بيحس لنفسه يعني بياخد حالة اللي قدامه ويوازنها مع شعوره هو يعني لو هو حزين واللي قدامه حزين ياخد الجزء اللي فى حزنه موائم لشعوره هو ويحس بيه من خلاله زى ما بتسمع اغنيه حزن وانت زعلانه كده كده حتلبسها فى الموضوع اللى مضايقك حتى لو كانت ملهاش علاقه
التالت
ده هو معظمنا صراحه بيحس برضه بس بيخاف من الاحساس جواه بيقول له وانا مالي مليش دعوه النوع ده شايف الاحساس ضعف وان الناس ممكن يستغلوا ده فيه وده لأنه اتربى على كده بيحس لوحده بس مع نفسه مش قصاد حد محتفظ باحساسه لنفسه
خلصنا كده السؤال بتاع بتحس بالناس
طب نسأل السؤال الاهم بتحس ايه ناحية اللي حواليك؟
اعتقد 90% من الاجابات حتكون اننا حاسيين من جوانا اننا مش واخدين حقنا ومظلومين وحاسيين بالسخط على اللي حوالينا عشان مش مقدرينا طب محنا لو فكرنا شويه بالعقل حنلاقيهم حاسين كده برضه
طب ايه سر الاحساس بالظلم الدائم اللي جوا كتيير مننا
هل هو عدم الرضا عن الناس؟
ابدا هو عدم رضا عن النفس بس عقلنا بيوجهه ناحية الناس عشان مش عايز يواجهنا باننا سيئيين
لاننا ببساطه لو كويسين وراضيين عن نفسنا فعلا مش حيهمنا مين ظلمنا او مش مقدرنا لأننا اكيد حنكون مؤمنيين ساعتها ان ربنا سبحانه وتعالى رأيه فينا اهم
من الاخر انا نفسي وانا بقرا اللي بكتبه حسيت اني بلف وادوور ومفييش هدف من الموضوع
بس يمكن الهدف اننا نحس او ندور على الاحساس جوانا ونوجه صح ناحية الناس اللي تستحق ونحس بنفسنا صح اهو نحس وخلاص مش مهم بمين او ازاي او ليه
المهم الاحساس ميموتش جوانا عشان نعيش بني ادمين مش روبوتس
avatar
زاد الجنه
مراقب عام
مراقب عام

انثى
عدد الرسائل : 525
العمر : 32
Localisation : egypt
Emploi : iam
Loisirs : no
تاريخ التسجيل : 30/06/2007

معاينة صفحة البيانات الشخصي للعضو http://www.estaabrk.com

الرجوع الى أعلى الصفحة اذهب الى الأسفل

رد: يا ترى انا بحس؟

مُساهمة من طرف اسلام مجدى في 27/9/2007, 6:26 am

شكرا زاد على الموضوع

_________________
avatar
اسلام مجدى
نائب المدير العام
نائب المدير العام

ذكر
عدد الرسائل : 2224
Localisation : with my love
تاريخ التسجيل : 17/06/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى